ഈ ആഴ്ചയിലെ പ്രധാന അറിയിപ്പുകൾ വി. സെബസ്ത്യാനോസിന്റെ തിരുനാൾ ജനുവരി 23, 24 തിയതികളിൽ (വ്യാഴം, വെള്ളി) ആഘോഷിക്കപ്പെടുന്നു. 23-ാം തിയതി വൈകിട്ട് 7.00-ന് തിരുനാൾ കൊടിയേറ്റ്. തുടർന്ന് വി. കുർബാന പ്രദിക്ഷണം. 24-ാം തിയതി രാവിലെ 9.15-ന് ആഘോഷമായ തിരുനാൾ കുർബാന, തുടർന്ന് പ്രദിക്ഷണം, കൂടാതെ ഈ രണ്ട് ദിവസങ്ങളിലും കഴുന്ന് (അമ്പ്) എടുക്കുന്നതിനുള്ള സൗകര്യം ഉണ്ടായിരിക്കുന്നതാണ്. * ഡിസംബർ ജനുവരി മാസങ്ങളിൽ വിവാഹവാർഷികം ആഘോഷിക്കുന്നവർ ക്കായിട്ടുള്ള പ്രത്യേക പ്രാർത്ഥനാശുശ്രൂഷയും ദിവ്യബലിയും ഈ മാസം 26-ാം തിയതി ഞായറാഴ്‌ച വൈകിട്ട് 7.0-ന് ആയിരിക്കും. വിവാഹാവാർഷികം ആഘോഷിക്കുന്നവർ ചർച്ച് ഓഫീസിൽ പേര് നൽകണമെന്ന് ഓർമ്മിപ്പിക്കുന്നു. * ജൂബിലി സുവനീറിൽ ആശംസകൾ അറിയിക്കുവാനും പരസ്യങ്ങൾ നൽകുവാനും എല്ലാ ഇടവകാംഗങ്ങൾക്കും അവസരം നൽകുന്നു. നിങ്ങളുടേയോ മാതാപിതാക്കളുടേയോ വിവാഹ ജൂബിലി/വാർഷികാശംസകളോ, പാവന സ്‌മരണകൾ, ജൂബിലി ആശംസകൾ നേർന്നുകൊണ്ട് നിങ്ങളുടെ കുടുംബ ഫോട്ടോയോ നൽകാവുന്നതാണ്. കൂടുതൽ വിവരങ്ങൾക്ക് 66221440/ ചർച്ച് ഒഫീസിൽ ബന്ധപ്പെടാവുന്നതാണ്. * ഈ വർഷം ആദ്യകുർബാന സ്വീകരിക്കുന്ന കുട്ടികൾക്കു വേണ്ടിയുള്ള രജിസ്ട്രേഷൻ ഉടൻ തന്നെ ആരംഭിക്കുന്നതാണ്. രജിസ്ട്രേഷനുള്ള ലിങ്ക് ദേവാലയവുമായി ബന്ധപ്പെട്ട എല്ലാ വാട്ട്സാപ്പ് ഗ്രൂപ്പുകളിലും ലഭിക്കുന്നതാണ്. ഫെബ്രുവരി 15 ആണ് രജിസ്ട്രേഷനുള്ള അവസാന തിയതി. മെയ് മാസത്തിലായിരിക്കും ആദ്യകുർബാന സ്വീകരണം നടത്തപ്പെടുന്നത്. * ഈ വർഷം CBSE പരീക്ഷ എഴുതുന്ന 10, 12 ക്ലാസുകളിലെ കുട്ടികൾക്കു വേണ്ടിയുള്ള പ്രത്യേക പ്രാർത്ഥനയും ആരാധനയും കൈവയ്പ്പ് ശുശ്രൂഷയും ഫെബ്രുവരി 1-ാം തിയതി ശനിയാഴ്‌ച വൈകിട്ട് 6.00 മുതൽ 7.00 വരെ നടത്തുന്നതാണ്. അന്നേദിവസം വി. കുർബാനയ്ക്ക് ശേഷം 12-ാം ക്ലാസ്സ് കുട്ടികളുടെ സർട്ടിഫിക്കറ്റ് വിതരണവും സെൻറാഫും നടത്തപ്പെടുന്നതാണ്. * അടുത്ത വെള്ളിയാഴ്ചയും ശനിയാഴ്ചയും സെന്റ് സെബാസ്റ്റ്യൻറ തിരുനാളിനോടനുബന്ധിച്ച് കാറ്റികിസം ഉണ്ടായിരിക്കുന്നതല്ല. കൂടാതെ വൈകിട്ട് 6.15 നുള്ള വി. കുർബാനയും ഉണ്ടായിരിക്കുന്നതല്ല. * ഏപ്രിൽ മാസം അവസാനം ഈ വർഷത്തെ കാറ്റികിസം ആനുവൽ ഡേ നടത്തപ്പെടുന്നതാണ്. വിവിധ തരം കലാപരിപാടികൾ സംഘടിപ്പിക്കുന്നുണ്ട്. പങ്കെടുക്കാൻ താത്പര്യമുള്ള കുട്ടികൾ അതാത് ക്ലാസ്സ് ഗ്രൂപ്പുകളിൽ അയക്കുന്ന ഗൂഗിൾ ഫോം വഴി ജനുവരി 31 ന് മുമ്പായി രജിസ്റ്റർ ചെയ്യേണ്ടതാണ്. വികാരി 17/01/2025 2025-01-17